الموضة الجديدة فى الصبغات والقصات للشباب النوعين

[ندعوك للتسجيل في المنتدى أو التعريف بنفسك لمعاينة هذه الصورة]

المرة دي هنتكلم عن الشعر وعلى فكرة مش هنتكلم على شعر الستات بس لا هنتكلم كمان على شعر الرجالة.

فأنا بصراحة مش موافق دلوقتي على مقولة "إن الشعر تاج المرأة" بس ده كمان "الشعر هو تاج الرجل".
موضة القصات للبنات
الكاريه بشكل جديد

[ندعوك للتسجيل في المنتدى أو التعريف بنفسك لمعاينة هذه الصورة]

أول حاجة لو اتكلمنا عن الموضة في قصات الشعر الحريمي هنلاقي إن الكاريه هو موضة الصيف السنة دي ولكنه موضة مبتكرة وجديدة ومختلفة عن الكاريه التقليدي فدلوقتي الأطراف من قدام بتكون طويلة أكتر من المنطقة الخلفية في الشعر.

[ندعوك للتسجيل في المنتدى أو التعريف بنفسك لمعاينة هذه الصورة] بس المشكلة الوحيدة للقصة دي إن ما ينفعش إنها تتلم في الصيف فلو واحدة شعرها خشن وناوية تصيف مانصحهاش بالقصة دي لأنها مش هتعرف تلم شعرها.
الشعر المفرود موضة ولكن

[ندعوك للتسجيل في المنتدى أو التعريف بنفسك لمعاينة هذه الصورة]

الشعر الليس"المفرود" السنة دي هو الموضة أكتر وبمناسبة فرد الشعر فيه طرق كتير غير طبيعية لفرد الشعر وكلها بتبوظ الشعر زي الكيراتين وكمان السيشوار والبيبي ليس والمكواة دول بيحرقوا الشعر علشان كده مانلجأش للأشياء دي غير في أوقات اللزوم فقط.
فلو عايزين نطري الشعر ممكن نعمل مرتين في الأسبوع حمام زبادي بالعسل لأن ده بيطري الشعر جدا وبيديه لمعة لكن ما بيفردهوش وأنا من وجهة نظري اللي شعرها مكسر مش مفرود تعتبر إن دي خلقة ربنا وتسيبه على كده لأنه في الغالب بيكون لايق على شكل وشها ولو بصينا لأهل أمريكا اللاتينة زي السيدات في البرازيل والأرجنتين هنلاقي إن شعرهم كيرلي وهما سايبينه كده وشكلهم حلو قوي وأرجوكم بلاش تقلدوا الممثلات والمطربات لأن دول فنانين وبيعملوا حاجات علشان تبهرنا مش أكتر وفي الآخر النتيجة صناعي في صناعي مش في الشعر بس ده في كل حاجة وأنتم فاهمين قصدي.[ندعوك للتسجيل في المنتدى أو التعريف بنفسك لمعاينة هذه الصورة]

أهم حاجة إن السيدة أو البنت يكون عندها ثقة في نفسها شعرها مجعد جسمها مليان دايما تكون مبسوطة من نفسها ومالهاش دعوة بحد وماتبصش لحد.

ما ينفعش تفرد شعرها علشان العريس ييجي وتاني يوم الدخلة تغسله والعريس يلاقي شعرها على حقيقته!!!!!!!

يبقى خلينا في الطبيعي أحسن.
الألوان الطبيعية لسه موضة

[ندعوك للتسجيل في المنتدى أو التعريف بنفسك لمعاينة هذه الصورة]

أما بالنسبة لألوان الشعر الموضة فالألوان الطبيعية هي الموضة زي الأسود والبني وده زي السنة اللي فاتت.

وبالنسبة للون الأصفر مابيناسبش المصريات لأننا أفارقة مش أوربيين.

أما الهاي لايت خلاص مابقاش موضة مش بقولكوا خليكوا في الطبيعي أحسن ولو طالبة قوووي تغيير في اللون مفيش أحسن من الحنة لأن كل الصبغات فيها مواد كيماوية مضرة بالشعر والدليل على كده إن السيدات الحوامل ممنوع يستخدموا الصبغة.

أما بالنسبة للسيدات المحجبات فدايما يحاولوا إنهم يفتحوا البلكونة أو أي شباك في البيت ويعرضوا شعرهم للشمس والهواء وأثناء تعرض الشعر للشمس والهواء يعملوا تدليك بأصابع اليد وللحفاظ أكتر وأكتر على الشعر نبعد عن الطرح البوليستر ونخلينا في الطرح المصنوعة من القطن لأنها أحسن.

كمان زيت الجرجير وكل الزيوت الطبيعية مفيدة جدا للشعر.
قصات شعر الشباب
[ندعوك للتسجيل في المنتدى أو التعريف بنفسك لمعاينة هذه الصورة]
فيه شباب كتير بيصلعوا أو شعرهم بيقع أنا شايف إن دي حاجة عادية جدا ومالهاش علاج ولو حصلت للواحد مايشغلش باله بيها وينساها تماما ويعيش حياته عادي جدا واللي عاجبه عاجبه.

عايز أقولكوا على حاجة قريتها في إحدى المجلات عن استطلاع رأي اتعمل في أوربا إن خمسين في المية من السيدات قالوا إنهم بيفضلوا الرجل الأصلع.
الجيل والسيشوار للشباب
[ندعوك للتسجيل في المنتدى أو التعريف بنفسك لمعاينة هذه الصورة]
أنا ضد إن الرجل يحط في شعره جيل أو موس أو كريم وطبعا ضد إن الرجل يعمل شعره بالسيشوار لأنه بيبقى عامل زي الباروكة لو أنت شعرك تقيل وحلو ممكن تطوله لو شعرك خشن يبقى قصره وخلص نفسك لو بين البينين زيي كده أحسن حاجة بعملها إني لما باجي أسرح شعري بأبله بالميه وأسرحه من غير ما أنشفه بفرشاة ذات أسنان واسعة وكل الناس تفتكرني إن أنا حاطط جيل وأنا مش حاطط جيل.
[ندعوك للتسجيل في المنتدى أو التعريف بنفسك لمعاينة هذه الصورة]
أما بالنسبة للرجالة اللي إصلعّوا ومصممين إنهم يرجعوا شعرهم هقولكم على وصفة وانتم أحرار تجربوها أو لأ وهي وصفة "بول الجمل" كل الحكاية إننا ندهن بيه فروة الراس مرتين في الأسبوع وجايز الشعر يطلع مع الوصفة دي، وعلى فكرة يا جماعة دي وصفة مش من اختراعي ده في دراسة في السعودية أثبتت أن بول الإبل بيعالج مرض الصلع فعلاً..
مجموعة من قصات الشعر المختلفة

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

» نرحب بالعضوة الجديدة ملك
» نرحب بالعضوة الجديدة RoOoRoOo
» شرح استعمال نافذة الإرسال الجديدة
» شرح استعمال نافذة الإرسال الجديدة
» نرحب بالعضوة الجديدة عاشقة صوفي